Fahnaweih in Eglasham. 150 Jahre Freiwillige Feuerwehr Alteglofsheim, eine großartige Leistung. Ich möchte mein Glas erheben und meinen Kameraden zuprosten. Ouh, mia san ja erst bei der Kirch. Kirch war net schlecht, oba genau da hat's grengt.

Und da spuil ma des "Junge Glück" vo da Kircha aussa. Aschene Sach. O leck, jetz siegh es erst, da Xare spuilt ja heut de große Trommel. Des is in ca. 5% aller Auftritte der Fall. Oba a schens Hüatl hot er af.

Und wieda a mal a Hochzeit in Eglasham. Mia marschiern ma da zur Kirch, a saubere Sach.

Jeds Jahr as gleiche: Maibaum Aufstellen in Alteglofsheim. Und aa jeds Jahr as gleiche: An dera Stell zwickt's imma a wenig.

Hochzeit in Schwarzach. Mia hamma da "All You Need Is Love" von de Beatles gspuilt. Des hat uns zwoa Proben mit jeweils zwoa Stunden kost. Und bei manchem (oder besser bei mancher) san de Nerven blank glegn. Und des hat uns wieda vier Runden Schlossbitter und vier Goasmaßn kost. Hat oba dann doch no recht guat highaut. Hamma sogar no Noten umgschriebn. Da Simon mit der Tuba (dem Franz und da Heike eahna Bua) war do da ruhende Pol. Der kriagt af jedn Fall beim nächsten Gäubodenfest an Freigockel oder an Freiochsen und zwoa Freimassen Karmeliten Gold. Ausgmacht Simon. An Simon: "Bitte um wohlwollende Rückantwort".

Immer wieda schee, des Gäubodenfest,.....

Volksfest Mallersdorf-Pfaffenberg beim Stöötner. Wirtschaftsminister Franz-Josef Pschierer spielt Zugposaune.

Des hat dann d'Zeitung gschriebn. Der Bericht stimmt echt. Mia hamma des alle d'erlebt.

Des Volksfest in Malersdorf-Pfaffenberg beim Stöttner. Da war ma aa scho a paar mal. Großaufnahme der Kapelle.

Und des war der bayerische Wirtschaftsminister Franz-Josef Pschierer, der Vorgänger vom Aiwanger. Der hat an Schnurri sei Posaun packt und zwoa mitgspuilt, oana davo war der Olympia-Marsch. Und da Schnurri hat gmoant, der spuilt net a mal schlecht.

No a mal a schens Buidl. Fahnaweih in Kiafaholz, da Hans hat grad sei Bier umgschmissn. Und des war aa no a Mallersdorfer Klosterbier von da Schwester Doris. Echt schad drum.

Und no a Impression vo a Fahnaweih,...

Impressionen vo a Fahnnweih,...

Da Vorsitzende Bernhard Putz trommelt beim Weckruf um 5e oan mit af.

Do wart ma grad auf Brautpaar und den Sektempfang. Des is a Photo mit'm Sektempfang von da Schmidbauer Traudl und ihrem roten Piaggio Ape.

Und jetz no aus a anderen Perspektive.

Do san mia am Vatertag im Spitalgarten.

Do spuilt unser Xare a mal net Trompetn. Auch am Schlagzeug konn ma eahm recht guat braucha.

Da Hans is recht fleissig. Der spuilt in oana Tour.

Tenorhörndl und Posaun haben aa a mol a kurze Pause. Hinten rührt se echt wos.

De zwoa Trompeter schnupfan no a mol schnell, bevor's losgeht.

A schens Kunstwerk. A Bier af de Noten. Wos hat se der Künstler do denkt? A Musik und a Bier, des ghört halt einfach zsamm.

Do gibt's immer a guate Brotzeit.

Neujahrsanblasen in Wörth a. d. Donau. Do gibt's immer an Schlossbitter

A gmiatlichs Weizen vorm Festzug geht immer.

Die gesamte Mannschaft im Spitalgarten

Reimund, Alles Gute zum Geburstag von Deinen Musikantenkollegen

Ein Blick auf die hintere Mannschaft

Da Kare laßt se a Maßerl schmecka

Der Festzug war a hoasse Sach, oba do san ma grod kurz vorm Bierzelt

Schon zu vorgerückter Stunde,...

Unser Xare holt no schnell a Bier für Alle

Maiandacht in der Wieskirche Alteglofsheim am 29.05.2016. Hät's uns beinoh ogsoicht.

Der Brennberger Burschenverein mit Mädchengruppe feierte mit mehr als 3000 Gästen. Befreundete Vereine übernahmen Aufgaben.  Von Resi Beiderbeck, MZ

Alte Traditionen gepflegt

Es ging aber nicht nur ums Feiern. Jahrzehnte alte Traditionen wie Weckruf und Totengedenken wurden mit großem Ernst gepflegt. Den Festgottesdienst eröffneten die „Pfatterer Buam“ mit der „Feuerwerksmusik-Ouvertüre“. Pfarrer Jürgen Lehnen sprach vom Teilen und zitierte den Heiligen Augustinus: „Was ihr tut, das macht gut!“ Die Ehrendamen sprachen Prologe und die zuvor gesegneten Bänder wurden verliehen.

Jedes Jahr wieder a zünftige Sach - Bluval in Straubing

Kurze Verschnaufpause während da Kirch

...bei den Hubertusschützen Pfatter.

Neujahrsanblasen in der Schlossapotheke Wörth. Do wird aa der guate Wörther Schlossbitter braut, der uns a so schmeckt.